الرضاعة الطبيعية

**ahmed** الأحد نوفمبر 06, 2011 5:46 pm

في فترة الحمل قريت كتير عن الرضاعة الطبيعية وأهميتها للطفل، وعرفت معلومات كتير منها إن إعتماد الطفل على لبن الأم بيحميه من أمراض كتير مثل الإلتهابات المعوية.. كمان بيقلل تعرضه لأمراض الجهاز التنفسي، وعرفت كمان إن أول قطرات من لبن الأم والتي تعرف باللبأ مهمة ومفيدة جداً للبيبي لأنها بتكون فيها كل عناصر الغذاء والمناعة اللي الطفل بيكون محتاجها.

كل أم لازم تهيئ نفسها للرضاعة الطبيعية عن طريق القراءة عن الموضوع لمعرفة المعلومات المهمة، ولازم تنبهي على الممرضات إنك أول ما تفوقى من الولادة يجيبوا لك البيبي علشان تبتدي ترضعيه...

الرضاعة الطبيعية مش هدفها إعطاء الطفل إحتياجاته الغذائية المتواجدة في لبن الأم فقط، لكنها بتخلق نوع من التواصل بين الأم وطفلها وكمان تقوي المشاعر الجميلة بينهم.

الرضاعة بتحتاج إن يكون ليكي نظام غذائي ماشية عليه زي فترة الحمل.. النظام الغذائي ده يكون بيحتوي على البروتينات والحبوب والفاكهة والخضروات، وكمان لازم تشربي كمية كافية من المياه - مش أقل من 8 كوبايات في اليوم..
وطبعاً لازم الأم تختار المكان المناسب ليها علشان ترضع البيبي بتاعها - سواء كان مكان هاديء أو أمام التليفزيون - زي ما تحبي.. أهم حاجة تكوني مرتاحة، وأهم حاجة إنك تبعدي عن أي مكان فيه تدخين.